2023
Regel is det de prins es iërste de baesem en de versiering kriegtj. Mer es de Sjaopsköp häör program omgoeaje en al ein waek iërder beginne mit allerlei aktiviteite den motte wae 't versiere auch iërder zitte. Zoea kumtj det wae dit jaor al op maondigaovendj 2 jannewarie biej de prins väör de däör sjtaon en de daag daonao biej de jeugdprins en prinses.
Auch de boere woore ins aktief en plaatste ein sjpandook biej de adjudant van de prins.
De Sjaopsköp maake reklame väör alle vastelaovesaktiviteite behalve die van de Sjaopswei en 't roeaj naaze bal van de Bacchus.
Vanaaf dit jaor zeen de gouwe baesemdragers herkinbaar door eine gouwe wimpel aan de baesem.
Wae sjaffe eige pinapperate aan.
De leedjesaovondj is väör de wei ein succes, Jimi en Dennis zinge os nao de nummer 1 van de leedjesaovendj dankzij de geweljig sjteun van Davy Vermeulen waerdj oos leedje ein giganties groeat succes.
Omdet 't gezaamelik äöpene van de aoj gemeindje Haele gein toegevoegde waerde miër haet en "t sjteeds moeilikker waerdj om dao tied väör vriej te maake hubbe wae besjlaote om hiej neet miër in mit te gaon.
Door de groeate hoeveelheid baesems in eige dörp waerdj auch neet miër boete-dörps gesjtaoke. In eige dörp waerdj de baesemsjtaekers ongersjteuntj door de Bacchusklup en Joris.
Vanwaege de corona hubbe wae 2 jaor baesems gesjtaoke en biejnao gein oetgave gehadj, dit is ein väördeil väör de Lemkes: boete de sjteek en de workshop die wae jaorliks sjponsere kriege ze auch nuuj shirtjes van os.
't Waas neet mekkelik mer de WC haet oeteindelik toch ein breurke gekreege, de BC.
Tiedes de jaorlikse wei-bbq waerdje eindelik de lang verwachtte nuuj website geprissenteerdj.
2023 geitj auch de Häörder gesjiedenis in es 't jaor van 'tPostkoetsdrama.De Sjaopswei sjteunt de vastelaovesverenigingen die normaal gebroek maake van de Postkoets en noew oet protest oetwieke nao anger lokasies. Om dit protest ein bietje krach biej te zitte äöpene wae t viefde sezoen neet vanaaf de kios mer vanoet de trappe väör de kirk.
Op de valreep van 2023 waerdje op 28 december väör de iërste kiër geaugst op de Sjaopsweibaesemboes.
 |
van 2020 toet 4x112020 2021 2022 2023 2024 |