2022
Nog sjteeds corona, mer neet lang miër.
't baesemsjtaeke geit 't zelfdje es väörig jaor, allein reike wae gans coronaproof de gouwe baesem oet aan twiëe vaste klantje die os eeder jaor troew van ein glaeske Jägermeister väörzeen: Sef Hofman en Wiel Vermeulen. Onger de vers gesjtaoke baesem maake wae d'r ein klein fiësje van.
Auch "vastelaovendj oppe vinsterbank" geit net zoea-es väörig jaor door en weer is d'r genog belangsjtelling.
Väörzichtig moog weer get, mer de wei vindj 't nog te riskant om get te organiseren dus gein fiëste oppe wei.
Waal waerdj door de sjaopsköp eine "prins van eine daag" oetgeroope, Hans Mooibroek is 't haasje. Biej hem waerdj väör eine daag de versiering in de tuin geplaatsjt. De bacchusklup volgtj, auch väör eine daag waerdj d'r Joeri es Sylvanus oetgeroope, en auch hiej versieren väör eine daag.
En den is 't half vaste, alles moog weer, dus wae gaon de sjaopsweibaesemboes äöpene, iërs sjtichtende wäörd biej de plantage en daonao fiëste mit Spik&Span biej aan de Kirk.
Langzaam geit "t op de ellefdje vanne ellefdje aan, Danny deilt middels ein foto van ein kis biej hem väör de däör, det 't sjpeel is begos.
Op de ellefdje vanne ellefdje waerdj de hemel weer oetgehaold, 't kenon in gereidheid gebrach, de vaandels onger de motteböl oetgehaoldj en 't geit los.
Wae zeen d'r weer gans klaor väör.
 |
van 2020 toet 4x112020 2021 2022 2023 2024 |