1986
Zoea es gezag: 't begos op 13 jannewarie 1986 biej kefee “aan de Kirk”. Op woonsdig 15 jannewarie äöpendje de intiatiefnummers, No Hoogmans, Paul Wolters, Jaac Waeyen en Peter Wolters in 't biejzeen van Ger Theuwissen (kepperke), Jan Graef (dhz) en Paul Jereskes (kastelein) väör de ieërste kiër de wei. Dees Häörder heppening haoldje zelfs de gezet.
Al sjnel begoste de miense vanne wei zich door de haor te vrieve: ze woore get begos mer det mos noe nog auch wiejer gaon......... en 't ging wiejer, d'r waerdje ein vaste Sjaopswei gevormdj, de intiatiefnummers kreege versjterking in de vorm van Ton Vermeulen, Harrie Caris en Paul Meevissen. Dees miense zoote regelmaotig aan de ronj taofel om te bekieke waat d’r in de Häörder vastelaoveswaereldj nog baeter kos en in welke vorm de Sjaopswei dao aan kos biejdraage. Noch in ’86 haaje ze de ieërste aktiviteit: “de waever maake”. De waever waerdje tradisie getrouw omme Linjebaum oppe wei gemaaktj. De Sjaopswei haet deeze dans woeamit men de vastelaovendj aafsjloet nuuj laeve ingeblaoze. Later waerdje hiej noch ein pop verbranje aan toe gevoogdj.
 |
van oprichting toet 1x111986 1987 1988 1989 1990 1991 1992 1993 1994 1995 1996 1997 |