1996
Wae zeen zoea serieus bezig det t tied waerdj om d’r fatsoenlik biej te laupe. Besjlaote waerdj om ein “rok-kostuum” aan te maete.
Gezeen 't resultaat van de Cambrinusmertj waerdj besjlaote om dees aktiviteit weg te laote oet 't program. De Cambrinusfeesten op zich woore gezellig mer 't gewinsjte resultaat bleef oet. Langzaam riesjt de vraog of de Cambrinusfeesten noch waal ein vervolg kriege.
Manfred Nagtzaam numtj aafschied es besjtuurslid vanne wei, Ton Vermeulen haet ziene waeg nao de wei truuk gevonje en vervingtj hem.
De Börgemeister benumtj van eeder kerkdörp eine ambassadeur. Dees werke saame mit de wei aan eine waegwiezer dae nao de veer “vastelaoves-rieke” wiesjt en d’r waerdj ein gezamelikke äöpening van 't sezoen opgezatte. Saame mit de Sjaopsköp, Vreigeliers, Bosuule en Halve Gare, waerdj oppe ellefdje vanne ellefdje de waegwiezer onthultj, de Sjaopswei is gevraogdj om es ceremoniemeister op te traeje. Omdet in Haele gezamelik de vastelaovendj geäöpendj waerdj haet de Sjaopswei dit gebaore in Häör anges opgezatte en omgeduiptj in “de hek”, symbolisch waerdj oetgebeeldj det mit vastelaovendj 't hek van de dam is en det de sjäöpkes den vriej äöver de dam kenne.
Op de ellefdje vanne ellefdje begintj de Sjaopswei aan häör 11 jaorig jubileum. Sjpesiaal väör dees gelaegeheid waerdj 't kenönke gans opgeknaptj en antieker gemaaktj.
 |
van oprichting toet 1x111986 1987 1988 1989 1990 1991 1992 1993 1994 1995 1996 1997 |