2021
De corona geit door, dao woea de vastelaovendj sjtopdje geit det vervaelendj virus gewuen door.
Nao good äöverlik waerdj alles woea publiek biej kumtj aafgelasjt........geine vastelaovendj.
Toch zeen d'r ein paar aktiviteite die waal kenne doorgaon, es 't mer coronaproof geit, aktiviteite zoea-es 't baesemsjtaeke.
Wae belle neet aan, we sjtaeke de baesem en duuje ein breefke in de bös mit dao op ein QR- code. Middels dees code kintj gae eur biejdraage sjtorte. En 't werktj.
Om nog miër kläör in de sjtraote te bringe waerdj door Harrie Maessen ein wedsjtrijd bedach, de aan hoes gekloesterde vastelaovesveerder mot de raam versiere onger 't motto "vastelaovend oppe vinsterbank". De Sjaopswei duit mit in de oetveuring, zorgtj väör reklame, zorgtj väör prieskes van de Häörder middesjtandj en duit mit in de jurering.
En wae hubbe 't initiatief genaome om vastelaovesdinsdig coronaproof aaf te sjloete. Op ein oeters geheim lokatie waerdj ein pupke de sjteek aafgedaon, de roeaj naas aafgenaome en de klumpkes oetgedaon om 't vervolgens in brandj te sjtaeke, de coronavastelaovendj is aafgelaupe.
Op 't naojaor waere d'r op de Bergerwaeg mit väöl geweldj birkebuimkes gepaotj, de sjaopsweibaesemboes is ein feit.
Taege de ellefdje vanne ellefdje begintj 't weer te kriebele, Dennis, oos nuuj lid poetsjt 't kenon alvas, zoj 't den toch nog mooge......
Helaas, zonger publiek, 11 sjäöt, 't vaandel biej aan de kirk geheese en alles live op facebook te volge.
 |
van 2020 toet 4x112020 2021 2022 2023 2024 |