't äöpene
Es november aanbriktj begintj 't vastelaovesblood te kriebele. De ellefdje vanne ellefdje kumtj d'r aan.
11 november: de traditionele äöpening van 't viefdje sezoen, en jao ein jaor haet echt 5 sezoene: lente, zomer, herfs, wintjer en 't vastelaovessezoen.
Äöveral in de provincie vinje tal van äöpeningsceremonies plaats, kleine lokale mer auch groeate evenementen.
Wae in Häör doon det besjeije, de Sjaopswei bouwtj väöraafgaontj aan de ellef kenonsjäöt ein gepasjde ceremonie daonao geit 't vastelaovesvaandel omhoeag. Naodet 't vaandel in top is, is 't viefdje sezoen offisjeel van sjtart gegaon. 't Viefdje sezoen doertj toet aswoonsdig.
Dit alles gebäörtj onger toezeendj auch van de Lemkes, de Sjaopsköp, de Boerebroelof, de Kinjerboerebroelof, de Bacchusklup en joekskapel Blaere en Vertaere.
Nao de äöpening guftj men elkaar de handj en winsjt men elkaar ein sjoeane vastelaovendj.
