2019
Oos jubileejumjaor, 3x11 sezoene jonk.
't Fiëst begint al geliek biej de jeugdprinses, ze kriegtj ein biejnao gans nuuj versiering.
Om tiedes 't versiere en 't baesemsjtaeke fatsoenlik geluid te höbbe waere twië JBL Boomboxen aangesjaft.
Sjaopsweilid Joeri zjweit in dit jubileejumjaor es prins Joeri I de scepter äöver 't Sjaopskopperiek, hae duit dit saame mit zien broor adjudant Michel.
Oppe receptie laote wae ziene dorslustige hoeagheid beer drinke oet ein glaas det mit tuiwkes aan ein galg hingtj, die galg is mit eine rûkzak op ziene rûk bevestigdj.
Op de leedjesaovendj winne wae mit ooze jubileejumsjlager.
Ongertösse zeen d'r al ein aantal maondje mit väöl hendjes hel gewerktj aan de bank, hiejäöver miër op ein anger pagina.
Jannie es dj, de ABB tiedes de recepsie, optraejes van Letste Aom en La Bamba.
Marlon, mooder van Danny, kriegtj de gouwe baesem väör 't väöle werk waat ze belangeloos väör de wei duit.
Om de fiëstvreugde krach biej te zitte bringe wae nao de més meniër pesjtoear eine halve liter beer inne kirk. Vanoet zien kruuts kiektj Jezus minzaam toe.
Half vaste waerdj eindelik op inititief van Niek en Petra 't Sjaopsweipaedje biej de Graof geäöpendj, wetse waal, 11 jaor geleeje aangelagtj.
De harmonie nuedigt os oet om op 't kesjtiël häör 100 jaorig besjtaon te äöpene mit kenonsjäöt.
Auch mit KSV zeen wae vrunj, daorom sjponsore wae de wedsjtreidbal, weer ins get anges es allein mer beer drinke.
Eind augustus vertrekke wae mit de bös nao Epe. Nao 33 jaor vergaadere is oos oetsjtepke eindelik geregeldj en kinne wae gaon kieke wiej 't mit oos adopsiesjäöpke geit, 't sjäöpke det de Bacchusklup os aangebaoje haet.
In 't naojaor bereikt os 't trieste nuuts de oos lid Jac nao ein kort ziekbed is gesjtorve, we gedinke hem op gepaste wieze.
Op de ellefdje vanne ellefdje waerdj de "vastelaovesvaandel van eederein" gebrachtj door meniër pesjtoear.
 |
van 2009 toet 3x112009 2010 2011 2012 2013 2014 2015 2016 2017 2018 2019 |